Civis Global constrúe para Marfrío-Atunlo en Vilanova da Cerveira

VILA NOVA DE CERVEIRA, 190118. OBRA DE CIVISGLOBAL, CONSTRUCCION NAVE MARFRIO EN EL POLIGONO INDUSTRIAL DE VILA NOVA DE CERVEIRA

nave marfrio

Instalación dos paneis de peche laterais na planta de conxelados que Civis Global constrúe para Marfrío-Atunlo en Vilanova da Cerveira (Portugal).

21.11.2017

A construtora galega Civis Global amplía a súa carteira de obras no campo da industria do conxelado coa construción dunha prante para Marfrío/Atunlo no polígono industrial de Fulâo en Vilanova de Cerveira (Portugal).

A obra que Civis Global está executando é unha construción de 6.000 m2 de superficie, desenvolvida en dúas plantas, que estará dotada dunha cámara de conxelado con capacidade de 8.100 m3.

Disporá dunha cámara frigorífica dotada de túnel de conxelación cun total de 900 m2 de superficie. Para a loxística contará con tres peiraos de entrada de mercancía e un máis para a súa expedición.

A instalación incluirá tamén unha zona de oficinas, almacén, vestiarios e outros servizos de case 2.000 m². A obra civil estará concluída cara o mes de marzo, tras o que se instalará todo o equipamento industrial necesario para o funcionamento da nova planta.

A nave industrial estará dedicada á elaboración, transformación, almaceamento e distribución de produtos alimentarios derivados do atún. Marfrío opera xa neste mesmo polígono cunha instalación industrial e agora ampliará a súa actividad aproveitando os servizos comúns xa construídos, como a planta de depuración.

Civis Global, compañía especializada no sector industrial privado, ten ampla experiencia na construción de instalacións para industrias do conxelado. En 2016 construiu a nave de Atunlo / Fandicosta na avenida de Beiramar en Vigo e desde marzo deste ano realiza a nova planta de Fandicosta en Domaio (Moaña), que substitúe á instalación anterior destruida por un incendio.