A UTE Civis Global-DAM destacada polas súas boas prácticas en conciliación laboral

A UTE Civis Global e Grupo DAM (Depuración de Auguas do Mediterráneo) ten recibido a certificación EFR en conciliación, que destaca as boas prácticas e actuacións para o equilibrio familiar aplicadas na xestión da Estación Depuradora de Augas Residuais (EDAR) de A Pobra do Caramiñal.

Esta importante certificación recoñecida polas Nacións Unidas e polo programa Interreg Europe como Good practice é outorgada pola Fundación Masfamilia. Trátase dun recoñecemento á responsabilidade social empresarial, centrada nos valores de conciliación familiar e laboral e o apoio á igualdade de oportunidades.

A entrega do galardón realizouse nun acto da Fundación Más Familia presidido pola conselleira de Política Social e Xuventude da Xunta de Galicia, Fabiola García. O evento serviu para presentar os resultados do barómetro de conciliación en Galicia que elabora a fundación.

A certificación recoñece o esforzo da UTE Civis Global-DAM (Grupo Depuración de Augas do Mediterráneo) para poñer ás persoas no centro das súas políticas laborais e mellorar o clima laboral da empresa.

Civis Global ten implantado desde 2019 un plan de igualdade para a promoción e mellora das posibilidades de acceso da muller a postos de responsabilidade, favorecendo a conciliación laboral para reducir desigualdades.