O camiño principal que recorre o parque de Navia, flanqueado agora polas novas plantacións e árbores que naturalizan este ámbito urbano.
9.4.2024
Civis Global completa a primeira fase da mellora integral do Parque Nelson Mandela en Navia (Vigo) cunha actuación que introduce cambios notables nas instalacións e zonas axardinadas.
A obra realizada remodela unha superficie de 14.400 m² para dotala de novos espazos para o descanso, o ocio, o paseo e o deporte.
A execución concéntrase por unha banda nas melloras construtivas realizadas sobre o trazado do parque, abrindo 665 m2 de novos itinerarios de conexión entre as distintas áreas.
Ademais execútanse outras actuacións para axeitas 6.295 m² de camiños existentes. O piso de terra compactada e zahorra, acabado en xabre, conta agora con drenaxes laterais e bordes cimentados en formigón con bordes en madeira.
Mobiliario de deseño funcional
O conxunto do parque está dotado dun mobiliario realizado en formigón branco cun deseño común para os distintos elementos: bancos, hamacas, mesas de merendeiro, papeleiras, aparcabicis e fontes. Son pezas que destacan por estar realizadas en material resistente ao grafiti, o que diminúe o seu custe de mantemento.
As distintas zonas de uso do parque reúnen estes elementos formando espazos para o encontro, con distintos modelos de mesas e bancos a modo de merendeiros. Como novidade inclúese tamén unha zona de ocio e deporte cunhas mesas especiais para a práctica do teqball.
Mellora ambiental
A obra realizada destaca pola súa mellora ambiental do entorno, coa incorporación dun total de 211 árbores de gran porte, entre os que destacan especies como o bidueiro, o cedro, o liquidámbar e o ginkgo.
A estas plantacións súmanse 4.320 m2 de plantas arbustivas como nandinas, agapantos, loropétalos ou aucubas. Nalgunhas zonas de taludes incorpóranse tamén ao parque as plantas aromáticas, como a lavanda, o loureiro ou o romeu.
Con esta actuación Civis Global inicia a que será unha remodelación completa do parque de Navia nunha fase posterior, onde se engadirán novos espazos de ocio e paseo.
