Vista xeral da nova praza e os báculos artísticos para iluminación intercalados co arborado, que se aliña coa iglesia de San Benito, ao fondo.
22.8.2024
A reforma urbana levada a cabo por Civis Global na Praza Manuel Alonso de Gondomar consigue un espazo accesible, unificando nunha sola plataforma as rúas Párroco Mariño, Manuel Losada, Cruz de Mera e Párroco Fernández.
A nova configuración devolve o protagonismo ao peón nun espazo onde o arborado e uns escultóricos báculos luminosos trazan un eixe cara a igrexa de San Benito. O valor patrimonial do conxunto queda resaltado así pola aliñación da plaza con las escalinatas de acceso á igrexa.
Esta escenografía recupera e actualiza a traza prevista nunha proposta urbanística de principios do século XX. A actual reforma consigue un espazo urbano máis funcional e comunicado agora de modo eficaz cos barrios principais de Gondomar.
A obra, desenvolvida en pouco máis de cinco meses, habilita cerca de 3.000 m² de superficie fluída que mellora a situación anterior, cunha praza segregada entre rúas abertas ao tráfico e supón tamén unha mellora indudable na accesibilidade para persoas con mobilidade reducida.
Un eficaz traballo de coordinación permitiu a celebración de dúas grandes festividades (o Corpus e a festa de San Benito) durante a execución das obras.
O vello e o novo da man
A pedra de borde conservada marca o perímetro da antiga praza e as anteriores escaleiras, contrastando coa nova superficie de granito silvestre GT con 12 cm. de espesor.
Ademais, mellora o uso público deste centro de actividade social de Gondomar cun mobiliario urbano versátil, que recupera os antigos bancos de granito, colocados agora baixo unha pérgola que serve de límite á praza.
Como elemento destacado mantense a antiga fonte de pedra e, nunha chiscadela á historia, a billa mana cara ao exterior da praza tal como estaba orixinalmente para uso das cabalerías. A instalación conserva tamén unha dobre canalización para utilizar indistintamente auga da traída ou dun antigo manancial.
A execución inclúa a mellora completa dos servizos existentes coa renovación das redes de saneamento e abastecemento de auga, e o soterramento das redes de electricidade, telecomunicacións e alumeado público.
Ao tratarse dunha praza en declive e cunha plataforma única, a obra aplica un deseño específico para as canalizacións con perforacións nas rigolas que incrementan a capacidade de recollida de augas pluviais.
Civis Global ten desenvolto importantes obras de reforma e remodelación urbana entre as que destacan a porta do Sol en Vigo ou a Praza do Calvario en O Rosal.
