Traballos de instalación na cámara de bombas do aliviadeiro
6.8.2024
Civis Global avanza na obra de construción do aliviadoiro do río San Martín, cun importante conxunto de actuacións para adaptar a actual rede de pluviais de Avilés.
A execución dá solución aos problemas de desbordamento causados polo exceso de caudal na rede, coas conseguintes filtracións á rede de saneamento e asolagamentos en zonas urbanas.
O núcleo do novo sistema é un conxunto de equipos mecánicos para o bombeo e filtrado de augas pluviais.
O sistema ponse en marcha cando o caudal crece por exceso de chuvia ou coincidencia de fenómenos de chuvia e as mareas. Catro bombas somerxibles de gran potencia, impulsan ata 625 litros/seg. o auga, que unha vez filtrada, evacúase á ría cun caudal de ata 2.400 m3/hora.
O bombeo das augas pluviais aporta unha solución técnica que rebaixa o nivel pezométrico no aliviadoiro, evita o desborde da rede e minimiza os problemas causados polo exceso de caudal na rede de augas nas zonas máis baixas da localidade asturiana, como a Plaza de los Oficios e as rúas Muelle e Llano Puente.
Civis Global é unha construtora con ampla experiencia en obras hidráulicas, con traballos destacados como o canal de regadío Cea-Carrión en Castela e León.
