Traballos de instalación das tubaxes de condución para o regadío na zona de Villalón de Campos (Valladolid).
18.2.2021
Coa execución dun proxecto de regadío do Canal Cea-Carrrión, na zona de Villalón de Campos, Civis Global segue ampliando a súa carteira de obras hidráulicas na Comunidade Castela e León.
A infraestrutura realizada para o Instituto Tecnológico Agrario en Castilla y León (ITACYL) esténdese ao longo de 48 km e permite a transformación para regadío dunha zona de 2.135 hectáreas, nas provincias de Palencia e Valladolid. A actuación permitirá cubrir unhas necesidades hidráulicas anuais de 4.823 m3/hectárea.
Os traballos a desenvolver para a execución desta rede de rego inclúen a instalación da tubaxe de abastecemento desde unha balsa central de 11 millóns de m3 de capacidade, situada entre Villalón de Campos, Herrín de Campos e Boadilla de Rioseco. A obra implica tamén a construción de estacións de bombeo e instalacións eléctricas en alta e baixa tensión.
Civis Global acometerá tamén as correspondentes obras de corrección de impacto ambiental, ao estar situada a obra nunha zona de protección de aves (ZEPA).
A construtora Civis Global ten executado outras obras hidráulicas como o abastecemento de auga na comarca de Écija (Sevilla), estacións depuradoras de Rueda (Valladolid) ou El Espinar (Segovia), e en municipios das provincias de Pontevedra ou A Coruña en Galicia.
