Vista xeral do túnel na AC-12 que soterra o tráfico da vía principal para mellorar a circulación na zona.
22.12.2023
Coa apertura ao tráfico do túnel da AC-12 ao paso por Oleiros Civis Global culmina a obra principal desta actuación que se completará coa glorieta para distribución do tráfico en superficie.
O obxectivo desta importante execución na rede nacional de estradas é a reordenación e mellora do tráfico urbano na confluencia da AC-12 co centro de Oleiros (A Coruña), que conta cun intenso fluxo de vehículos na zona.
Coa nova distribución mantense a continuidade da AC-12 mediante unha vía principal, enviando o fluxo principal de vehículos polo novo paso inferior. Os viarios laterais que se separan deste acceso principal conducen o tráfico á glorieta, para distribuílo en superficie cara Oleiros ou a zona de praias, conectando ao través da AC-174 (Rúa do Areal).
A construción do paso soterrado supuxo un reto ao ter que manter aberto o tráfico de vehículos por desvíos provisionais alternativos.
O túnel que agora entra en funcionamento ten unha lonxitude duns 320 metros. É unha estrutura apoiada cunha superficie total de 4.819 m², executada con pantallas de pilotes dando soporte ás vigas de formigón pretensado que sosteñen a lousa superior, sobre a que se situará a futura rotonda.
A obra inclúe ademais a reposición de todos os servizos ao longo de todo o tramo de obra, de arredor duns 600 metros.
O obxectivo final deste importante traballo de infraestrutura é facilitar tamén o tráfico peonil e recuperar espazo urbano para a poboación, destacando así o papel da reforma urbana cun traballo moi técnico na intersección das estradas AC-12 (Avenida de Mariñas) e AC-174 (Rúa do Areal).
