Civis Global aborda un proxecto singular coa nova biblioteca de Nigrán

Infografía do edificio da nova biblioteca que Civis Global vai construír en Nigrán.

3.08.2018

A construción da nova biblioteca municipal por parte da construtora galega Civis Global dotará ao concello de Nigrán (Pontevedra) dun edificio de configuración singular, cunha planta hexagonal, un lucernario central e as súas fachadas abertas as zonas públicas da súa contorna.

O edificio estará situado na zona da praza Rosalía de Castro na confluencia das rúas Rosalía de Castro e a Estrada da vía e disporá de acceso a dous niveis.

A superficie total a construír, de algo máis de 1.250 m², distribúese ao longo de 3 plantas e o acceso será dobre: desde a planta baixa a través dunha zona cuberta e desde a primeira planta, a través da praza de Rosalía de Castro.

Entre as funcións previstas destacan un aula multiusos na planta baixa para uso independente segundo as necesidades e un espazo cuberto exterior para acceso e actividades eventuais.

A planta primeira está destinada ao servizo de recepción, zonas de consulta

informática e de hemeroteca xeral, e instalacións de préstamo e consulta de infantil e xuvenil. A segunda planta é unha zona aberta para préstamo xeral da biblioteca e que permite a súa adaptación ao outras necesidades eventuais. A terceira planta servirá como zona de estudo e consulta e gozará dunha vista a dobre altura a modo de lucernario sobre a zona de préstamo da biblioteca.

Civis Global suma unha nova realización no campo da edificación no área do concello de Nigrán, onde xa ten realizado outros proxectos de construción, como o Centro de Iniciativas Empresariais no polígono industrial de Porto do Molle, a nave industrial para Ecoforest ou o carril bici na PO-325 entre Nigrán e Ramallosa.