1.10.2026
En Civis Global rematamos en oito meses de prazo o noso último proxecto industrial: unha nova nave que servirá como sede en Santiago de Compostela para o grupo de distribución alimentaria galego Hogomar.
A nave industrial conta cun amplo espazo de almacenaxe, así como unha zona de recepción, oficinas administrativas e outros servizos distribuídos na planta baixa e dúas plantas superiores. Ocupa unha parcela de 3.000 m² no polígono industrial da Sionlla, en Santiago.
As instalacións están equipadas con toda a infraestrutura necesaria para as operacións loxísticas, centrándose en dúas zonas de almacenaxe de 1.500 m² con acceso a través de tres peiraos de carga. Tamén conta cun completo sistema de protección contra incendios, que inclúe un depósito de auga de 24.000 litros.
