Civis Global incrementa a súa actividade industrial en Portugal

CIV_ANTOLIN_VALENCA012
CIV_ANTOLIN_VALENCA012

Obras de instalación da cuberta na nova nave de automoción actualmente en construción en Valença (Portugal).

13.1.2017

Civis Global constrúe en Valença do Minho (Portugal) e Mangualde (Portugal) dúas importantes instalacóns industriais para o sector de compoñentes do automóbil. A construtora galega ten en fase moi avanzada de edificación a nova factoría que o grupo español Antolín inaugurará en Valença do Minho (na imaxe). A instalación industrial de case 11.000 metros cadrados, situada no polígono industrial de A Gandra, disporá dunha zona de almacén e de oficinas, ademais da zona central de produción e operacións de compoñentes do automóbil.

A empresa Civis Global está acreditada para operar en Portugal desde marzo de 2016, onde tamén está realizando os traballos de preparación de terreos para outra gran factoría de compoñentes de automoción en Mangualde.

Civis Global é unha das construtoras galegas con maior experiencia na construción, mellora e rehabilitación de naves industriais e complexos empresariais. Entre a súa últimas actuacións están a nave multiusos no polígono de Balaídos para Zona Franca de Vigo ou a planta frigorífica para Atunlo/Frigalsa na avenida de Beiramar en Vigo.