Civis Global mellora o entorno urbano en Vigo

17.1.2017

Co inicio das obras de mellora no último tramo da rúa Rosalía de Castro de Vigo (Pontevedra) Civis Global culminará a rehabilitación desta zona emblemática da cidade.

A compañía construtora afronta de aquí a abril a mellora de todos os servizos urbanos nun tramo duns 150 metros de lonxitude, entre as rúas transversais de Canceleiro e Serafín Avendaño, ademais de realizar a rotonda para o cruce de Rosalía de Castro con Serafín Avendaño e tamén a beirarrúa duns 85 metros nesta última transversal.

O entorno da rúa Rosalía mellorará no aspecto estético e ambiental, coa instalación de xardineiras no cruce da nova rotonda e coa renovación do arborado (camelios e alheñas) das beirarrúas.

As obras inclúen ademais o cambio das conducións de abastecemento e saneamento, con redes separadas neste último caso, a instalación de tubaxes para uso de telecomunicacións así como todas as conducións eléctricas. Para a iluminación usaranse faroles de tipo isabelino, con luminarias de baixo consumo e máis potentes.

A rúa Rosalía de Castro é unha moderna zona residencial con servizos de ocio e hostalería, o que a converte nunha das zonas máis transitadas de Vigo.