Civis Global remata a rehabilitación do Museo de Arte de Lima

Fachada del Museo de Arte de Lima, tras la remodelación de Civis Global.
Fachada del Museo de Arte de Lima, tras la remodelación de Civis Global.

Fachada do Museo de Arte de Lima, tras a remodelación de Civis Global.

9.09.2015

Tras a obra de rehabilitación e mellora realizada por Civis Global, o Museo de Arte de Lima quedou inaugurado hoxe nun acto presidido pola ministra de Comercio e Turismo de Perú, Magali Silva, ademais do director do museo, Juan Carlos Verme, que estiveron acompañados polo presidente de Civis Global, Víctor del Canto e de Felipe Carrascosa, director da compañía en Perú. O MALI é un dos edificios máis emblemáticos de Perú, cualificado como monumento histórico e patrimonio cultural do país andino e conta cunha das mellores coleccións de arte indíxena de Sudamérica.
O proxecto realizado por Civis Global consistiu na remodelación do edificio coa premisa fundamental de respectar e preservar a infraestrutura arquitectónica orixinal. A obra tivo un coste total de 2,9 millóns de euros.

Civis Global Perú iniciou a obra en setembro de 2014 e rematouna na primeira semana de xullo. O proxecto incluíu traballos de restauración de algúns elementos arquitectónicos como as escaleiras, as ventás e as súas balaustradas situadas no perímetro do patio central e fachadas. A obra fundamental realizouse na gran sala de exposicións, que quedou dividida en tres sectores. Destaca o traballo realizado no patio central e nas escaleiras. Na azotea cambiouse o piso e colocouse dobre membrana impermeable para protexer o edificio.
A construtora galega, que comezou a súa implantación no Perú hai dous anos, ten en marcha dous proxectos neste país. Ademais da rehabilitación do Museo de Lima, está a realizar as obras de rehabilitación e mellora do pobo turístico de San Pedro de Casta e a Meseta de Marcahuasi, unha localización situada nos Andes sobre 4.000 metros de altitude, así como a obra do porto e embarcadoiro de San José. Civis Global está a realizar obras en Perú por un importe total de 10 millóns de euros e conta con 100 traballadores no país andino.