Civis Global completa o novo proxecto residencial de Avintia en Vigo

Fachada principal do complexo residencial “El Cielo de Vigo” ás rúas Barcelona e Tarragona.

31.5.2021 

A construtora galega Civis Global entrega coa edificación de “El Cielo de Vigo” para Avintia, o seu máis recente proxecto residencial na cidade. É un edificio de máis de 27.000 m² con 91 vivendas de distintas tipoloxías e acabados, con fachada a catro rúas situadas na zona do Hospital Povisa, no eixo Gran Vía-Travesas.

A construción resolve o peche do perímetro dunha mazán grazas a unha estrutura dividida en seis bloques con accesos independentes desde un patio central axardinado.
Sobre os catro sotos de garaxes, as cinco plantas construídas ofrecen unha espectacular fachada transventilada de granito moreno, carpinterías de aluminio lacado en color gris antracita e varandas de vidro. O acabado das cornixas en granito resalta os remates do edificio.

As vivendas contan con sistemas de domótica para o control automático de iluminación, persianas ou calefacción, ademais de paneis solares para un aporte de enerxía limpa. Boa parte delas dispoñen de terrazas destacando, polas súas características específicas, os áticos e os dous dúplex con espazos exteriores de ata 32 m².
O complexo residencial ten dotacións comúns como un ximnasio en planta baixa e piscina na cuberta dun dos bloques, ademais dunha sala multifunción para reunións ou eventos.

Civis Global afianza así o seu papel como construtora de edificación residencial, onde nos últimos anos ten executado diferentes proxectos, como o que actualmente constrúe para Aedas Homes na céntrica rúa Rosalía de Castro en Vigo.