A zona urbanizada na rúa Pasán, xunto á AP-9, coa praza remodelada diante da igrexa e, ao fondo, o parque infantil e a pasarela peonil sobre a autoestrada.
20.1.2024
Civis Global realiza unha obra de remodelación viaria integral na contorna da AP-9 en Chapela (Redondela). A actuación execútase tras as modificacións realizadas recentemente pola ampliación de dous carrís na Ponte de Rande.
As obras teñen por obxectivo a reposición do viario, reordenando e urbanizando os viarios adxacentes en ámbalas marxes da AP-9, no traxecto comprendido entre o enlace cara a
Cangas e o de Teis.
Nunha primeira fase complétanse as actuacións que remodelan os accesos na zona, ampliando e urbanizando os viarios. A execución inclúe traballos de pavimentación e reposición de todos os servizos e conducións afectadas.
As obras principais execútanse na rúa Pasán, agora transformada nun acceso completamente urbanizado, que conecta o paso superior sobre a autoestrada de Teis coa praza da Igrexa de San Fausto, ata acabar de novo na estrada N-552.
Esta actuación inicial desenvólvese sobre una superficie de máis de 17.000 m2. Os traballos realizados inclúen a remodelación do torreiro, a zona xunto a igrexa, onde se remodela un parque infantil e un área de descanso con bancos e pérgolas completamente accesible, conectada coa pasarela peonil sobre a AP-9. Noutro extremo da actuación, outro parque infantil xunto á saída da autoestrada en Teis completa a execución.
Diversas zonas axardinadas definen agora o traxecto da rúa Pasán, onde ademais constrúese unha nova escalinata que conecta a vía coa zona dun antigo lavadoiro.
Outras actuacións incluídas nunha segunda fase, prevén traballos de ampliación de dúas estruturas existentes neste traxecto da AP-9, o viario de Trasmañó e unha pasarela peonil, así como a reposición da coñecida como fonte Cornido, no lugar onde estaba situada antigamente.
