Vista da fachada interior do edificio desde a zona axardinada e a piscina.
14.1.2025
Civis Global completa un novo proxecto de construción de vivendas con este edificio residencial na zona de Alcabre (Vigo) para LandCo, división inmobiliaria do grupo Santander. A edificación é unha das máis espectaculares realizadas pola empresa, un complexo que combina vivenda e zonas comúns, nun espazo axardinado e con piscina a un paso das praias.
Cun total de 6.900 m² construídos, o proxecto está situado nunha zona moi próxima ás praias de Alcabre e Samil.
Executada en dezanove meses, a obra consta dun total de 42 vivendas de 2, 3 ou 4 dormitorios, entre 75 e 115 m², e cun alto nivel de calidade. É unha construción distribuída nunha planta baixa, catro plantas e unha baixo cuberta. Conta con dous sotos para garaxes.
O conxunto interior é da máxima calidade construtiva. Combina elementos en granito e acabados revestidos en resina azul para as zonas comúns. As vivendas contan con piso en tarima de madeira, cerramentos con grandes ventás de corredeira en aluminio e un sistema de calefacción por chan radiante con bomba de calor.
La construción destina á superficie axardinada común uns 1.600 m², cun área para piscina de 200 m², zonas de céspede e arborado, ademais de 400 m² de zona exterior privada nas vivendas da planta baixa.
A división de edificación privada de Civis Global ten desenvolto xa outros proxectos residenciais de alta calidade en Vigo, para inmobiliarias como Aedas Homes ou Avintia.
