Calidade Civis Global en 7 edificios para vivendas e oficinas

Edificio de vivendas construído por Civis Global na rúa escultor Nogueira, no barrio da Dobrada en Vigo.

2.09.2017

A construtora galega Civis Global está a desenvolver e construír cinco edificios en Galicia para poñer no mercado un total de 160 vivendas e máis de 2.000 metros cadrados de oficinas e servizos.

O impulso da división de construción se centra tanto na edificación nova como en rehabilitación e reformas. As obras máis importantes son a construción para a inmobiliaria Solvia, dun edificio de 20 vivendas e 2 locais comerciais na rúa Fernández Latorre, unha das zonas comerciais máis clásicas de A Coruña; en Vigo, Civis Global rehabilita un edificio de cinco plantas para 15 vivendas, na esquina das rúas Castelar con Luis Taboada, na contorna da praza de Compostela; en Vigo está na fase final de construción un edificio de 12 vivendas para a promotora Gescomar na rúa de Alfonso XIII, en pleno centro da cidade e nunha zona que comunica directamente coa entrada da autoestrada e coa estación de ferrocarril.

Recuperando edificios históricos

Civis Global tamén está a rehabilitar o edificio da antiga aduana de Vigo, na rúa Concepción Arenal, inmoble que será reconvertido nunha moderna sede empresarial para oficinas da compañía pesqueira Interatlantic Fish. Trátase da primeira edificación existente na coñecida nos principios do século XX como rúa do Ramal, que arrancaba da zona portuaria.

Tamén no ámbito dos edificios con protección foi rehabilitado recentemente un edificio de 16 vivendas para a inmobiliaria Solvia, no arranque da rúa Pi i Margall, cun acabado que recupera a fachada histórica da construción.

Gañando espazo público

Entre as obras que se atopan en fase final está un pequeno e singular edificio de 10 vivendas na rúa Escultor Nogueira, na zona da Dobrada de Vigo, que integra o uso residencial co urbano, conectando o edificio coa rúa mediante unha zona de praza cuberta baixo a construción e mellorando así a contorna e creando espazos comúns no barrio. Tamén en Vigo, na rúa Santa Ana, paralela ao paseo marítimo de Bouzas, empezan as obras dun edificio de 11 vivendas e 11 prazas de garaxe para a cooperativa Residencial Bouzas.

Civis Global está considerada como unha das mellores construtoras na rehabilitación e posta en valor de edificios, entre os que destacan a reforma e modernización do Museo de Arte de Lima (MALI).