Unha traballadora de Civis Global durante unha operación do servizo de conservación de vías.
4.10.2021
A construtora Civis Global ten incorporado recentemente á súa plantilla catro novas traballadoras, que se integran nos equipos destinados á conservación e mellora de vías, un área laboral onde a súa presencia é pouco frecuente.
A empresa ten cotribuído ao despregue de iniciativas formativas no sector, a través da Fundación Laboral da Construción, para incorporar máis mulleres ao persoal de base en ocupacións tradicionalmente desenvolvidas por homes.
Desde que puxera en marcha o seu plan de igualdade hai dous anos, Civis Global segue a avanzar na súa política de garantir e acadar a equiparación de oportunidades entre mulleres e homes.
O plan de igualdade en vigor contempla aspectos como a conciliación da vida laboral coa vida familiar e persoal. Entre outras medidas propón accións informativas de sensibilización, a integración da perspectiva de xénero nos manuais de procedementos e un protocolo de actuación para previr e actuar en casos de acoso sexual ou por razón de sexo no ámbito laboral.
