Aspecto da sala de conferencias durante a presentación de Sancho-Madridejos, á que asistiron unhas 70 persoas.
29.11.2021
O ciclo de conferencias “Reflexións”, que Civis Global patrocina para o Colexio Oficial de Arquitectos de Galicia (COAG), reemprende as súas actividades tras o parón da pandemia.
Desta vez os invitados foron Sol Madridejos e Juan Carlos Sancho, do reputado estudo madrileño Sancho-Madridejos Architecture Office, cunha obra que ten sido amplamente recoñecida e premiada.
Co seu apoio a este ciclo de conferencias Civis Global quere impulsar e divulgar o decisivo papel que cumpren na construción os profesionais da arquitectura. O ciclo “Reflexións” iniciouse en 2016 cos arquitectos Creus e Carrasco e continuou con Emilio Tuñón e Carme Pinós en 2017, se ben desde 2014 a empresa construtora tiña colaborado xa coa institución colexial en Vigo.
