Civis Global completa en catro meses a nave conxeladora de Discefa

Fachada da nave que completa a planta de Discefa no polígono industrial de Espíritu Santo en Cambre (A Coruña)

8.11.2021 

Civis Global ten completado a construción da nova nave conxeladora para Discefa, a principal compañía mundial en comercialización de polbo conxelado, nun prazo de 4 meses.

A realización desta nave industrial en Cambre (A Coruña) é un novo fito para a compañía Civis Global, que lidera a construción de instalacións industriais para o sector de conxelados.

A edificación ocupa unha superficie de 1.000 metros cadrados e dispón dunha nova cámara de conxelación que servirá para ampliar a capacidade da planta que Discefa ten no Polígono Industrial Espíritu Santo de Cambre.

A construción arrancou no mes de xuño, completando nestes catro meses cimentacións e estrutura, revestimento e cubertas, así como soleiras a illamentos interiores, para aloxar a zona de produción da nova instalación.

No área de de construción industrial Civis Global ten construído entre outras a planta de Frioya en Mos e a de Frigonor en Pobra do Caramiñal.