Civis Global aumenta un 6% o seu emprego en 2019

civis_empleo
civis_empleo

O crecemento do emprego directo en Civis Global duplicouse nos últimos cinco anos, grazas ao aumento da carteira de obras e servizos da construtora con sede social en Vigo.

8.10.2019

O grupo Civis Global incrementou a súa plantilla profesional nun 6% en 2019, cun emprego medio directo de 264 persoas. O crecemento do emprego directo en Civis Global duplicouse nos últimos cinco anos, grazas ao aumento da carteira de obras e servizos da construtora con sede social en Vigo. A cifra de negocio en 2018 (últimas contas aprobadas) situouse en 41 millóns de euros, un 2,5% máis que no exercicio anterior.

Cun 89% do seu negocio en Galicia, Civis Global conta con presenza en Portugal (7,5%), onde leva a cabo dous proxectos, un industrial e outro de vivenda; en Castela e León (2,5%), con tres obras na actualidade; e en Asturias (1,5%), onde desenvolve outras cinco construcións.

Entre as últimas obras que acomete a compañía galega inclúese a conservación e explotación de estradas do sector O-03 en Asturias (en UTE con AUDECA), promovida polo Ministerio de Fomento, a ampliación do edificio industrial Megatech en Marinha Grande (Portugal), a construción dunha nova planta industrial para o grupo Actega Artística ou o maior proxecto de peonalización do centro de Vigo, que inclúe a construción dun túnel para tráfico e a peonalización da Porta do Sol.