Un aspecto das obras de adaptación da vía, realizadas no tramo do AVE entre Taboadela e Ourense.
24.11.2020
Civis Global remata as obras ferroviarias do tramo Taboadela-Ourense. Os 13 Km de adaptación da vía á alta velocidade completáronse sen interromper o actual servizo de transporte por tren ata Ourense.
A obra incluiu unha serie de importantes actuacións complementarias como son a reforma do Viaduto do Miño para acceso á estación de Ourense. Ademais do traballo de revisión e pintado da estrutura de formigón, engadíronse pasarelas laterais de evacuación, fíxose a cimentación de postes de electrificación, e instaláronse sistemas acústicos para diminuír o ruído do tren.
Outras actuacións foron a construción de dous pasos superiores sobre a vía en Castroverde e a ampliación da plataforma da estación de San Francisco. Finalmente, completáronse as obras coa instalación de pantallas acústicas e valados antivandálicas no traxecto.
Con todos estes traballos, que Civis Global rematou en 19 meses, a vía queda preparada para dar servizo de alta velocidade.
Civis Global participa tamén noutras obras do corredor Norte-Noroeste da Alta Velocidade, tanto en Galicia como en Asturias.
