Fachada principal da nova planta de conservas Cerqueira en Rianxo.
26.10.2022
A construtora Civis Global traballa en Rianxo na construción da nova planta da conserveira viguesa Cerqueira.
O proxecto ocupará unha superficie superior aos 19.900 m² no Parque Empresarial de Rianxo. É unha potente edificación con todas as instalacións necesarias para a elaboración, transformación e almacenaxe de distintas conservas de pescado.
Conta coas máis modernas tecnoloxías como unha cámara frigorífica robotizada de 1.100 m². Ademais está dotada cos últimos sistemas de seguridade como é a rede de exutorios instalada en cuberta, con grandes comportas automatizadas para evacuación de fumes.
Civis Global suma así unha nova obra para o sector industrial do mar, onde é unha empresa líder en construción de plantas elaboradoras. Nos últimos anos ten executado instalacións como as de Frioya en Mos, con 12.000 m² e Fandicosta en Moaña, con 8.000 m², ademais das de Atunlo en Vigo, a de Frigonor en Pobra do Caramiñal e a Central Lomera Portuguesa en Vilanova de Cerveira (Portugal).
Cerqueira, unha das conserveiras emblemáticas de Vigo, completa con esta planta a actividade desenvolta na fábrica que mantén en Ribeira, tamén na ría de Arousa.
