Civis Global dá forma aos novos xulgados de Segovia

Imagen de la espectacular fachada del edificio en cubos de hormigón y cristal.

Imaxe da espectacular fachada do edificio en cubos de formigón e cristal.

20.8.2020

A compañía galega Civis Global afianza a súa actividade fóra de Galicia e avanza na construción do edificio de xulgados en Segovia. A nova sede xudicial da provincia castelá-leonesa desenvólvese nunha UTE xunto á empresa Geoxa.

Trátase dun proxecto de arquitectura singular, na que destacan os 4.000 m² de fachadas con acabados en cristal e a fachada norte cunha vistosa disposición en cubos de formigón branco.

A obra execútase nunha parcela en declive de 13.087 m²e inclúe a construción dun aparcadoiro de 122 prazas. En total, a superficie construída será de 12.180 m².

O edificio consta de soto, planta baixa e dúas plantas que inclúe unha zona de administración, salas de vistas e todas as instalacións necesarias e complementarias para o desenvolvemento da actividade dos distintos xulgados e servizos correspondentes.

Unha construción esixente canto a ordeación e xerarquización dos recorridos interiores, ao combinar os espazos abertos ao público cos accesos restrinxidos propios da actividade xudicial. Tamén esixen un tratamento especial os servizos de seguridade en telecomunicacións e servizos postais.