Fachada principal da zona ampliada para a residencia de atención integral en Bóveda (Lugo).
23.07.2025
Coa ampliación desta residencia para persoas con discapacidade en Bóveda, Civis Global completa en 15 meses unha nova edificación dotacional para DomusVi.
A construción, de 3.184 metros cadrados, está distribuída nun soto, planta baixa, planta primeira, planta segunda e baixo cuberta.
A fachada está delimitada por un muro cortina central en aluminio e cristal, xunto a dous bloques laterais simétricos de habitacións, que combinan a cor branca da envolvente en panel composite e o gris escuro da carpintería de aluminio.
A comunicación co edificio principal realízase ao través dun corredor acristalado e un acceso sobre a cuberta, para salvar a diferencia de cota entre ámbalas edificacións.
Con esta obra a residencia existente amplía a súa capacidade con 48 novas prazas, distribuídas en dúas plantas con habitacións individuais (16) ou compartidas (32), con calefacción por chan radiante e os correspondentes baños. Cada planta conta ademais cun comedor específico.
Para os distintos servizos de asistencia dispón de salas de uso polivalente ou específico, distribuídas entre a planta baixa e as dúas plantas residenciais.
A residencia conta con dous ascensores, con capacidade de 15 persoas, que aseguran a comunicación vertical entre as plantas.
O soto está destinado a garaxe e vestiarios para persoal laboral, ademais de parte dos sistemas de control das instalacións que tamén están albergados na planta baixo cuberta.
A obra complétase coa urbanización da parcela, un peche perimetral con grella residencial lacada en gris lousa e unha zona axardinada de 300 m².
