Colocación da primeira das celosías que forman a estrutura para a nova ponte sobre el río Umia en Pontearnelas.
1.3.2024
Civis Global avanza nas obras de construción da nova ponte sobre o río Umia en Pontearnelas (Vilanova de Arousa), tras realizar unha actuación de emerxencia para a Consellería de Infraestruturas e Mobilidade da Xunta de Galicia polo colapso da estructura en abril de 2023.
A construción continúa coa recente instalación das dúas grandes celosías de aceiro de 60 metros de lonxitude que forman a estrutura de soporte. O proxecto segue coa execución das prelousas e o taboleiro para a nova ponte, que contará tamén cunha pasarela peonil inferior.
A actuacións realizadas ata este momento permitiron asegurar a construción existente e realizar as necesarias inspeccións técnicas e controis topográficos para avanzar na solución final adoptada.
A execución para os apeos provisionais consistiu na colocación de 10 puntais de contención con capacidade para soportar as cargas da ponte e conseguir a súa estabilización.
Tras a decisión de reconstruír a ponte cunha nova estrutura de soporte cimentáronse e construíronse as pilas que serven de base en ámbalas marxes. Os traballos realizáronse en plena zona fluvial, sometida ás crecidas estacionais no caudal do río.
O desmonte completo, retirando os balaústres e todos os elementos superficiais do taboleiro, culminou co corte e extracción das lousas de formigón que formaban a base da ponte.
Civis Global ten ampla experiencia na construción de estruturas e entre as súas obras están a execución de viadutos no corredor Sarria-Monforte ou a restauración da ponte sobre a PO-254 en Mondariz.
