Civis Global recupera a ponte da PO-254 en Mondariz

puente Mondariz noticia
puente Mondariz noticia

A ponte no seu estado actual tras a recuperación total da estructura deteriorada.

22.4.2021 

A ruta entre Mondariz Balneario e Mondariz volve á circulación normal tras as obras de reparación de urxencia realizadas por Civis Global na ponte que comunica ámbalas localidades e que se atopaba gravemente danado. O traxecto estaba cortado e mantíñase unha vía alternativa polo trazado antigo da P0-254.

A infraestrutura presentaba danos severos de corrosión en elementos principais da estrutura metálica. Tamén estaban afectadas as péndolas, que unen a arcada e o taboleiro da ponte, e os propios caixóns que forman o arco.
Todo isto, sumado a que o terreo da base estaba erosionado pola auga, creando profundas gabias nesa zona, provocaba unha alta inseguridade.

As obras executadas serviron para retirar elementos danados e instalar e soldar pezas novas, reforzando a estrutura.
Os traballos complétanse coa reparación do pavimento da estrada, cunha deterioración que provocaba a corrosión do taboleiro metálico inferior da ponte, e labores de recuperación e consolidación da cuberta vexetal, instalando biomallas de protección para preservar o terreo dos arrastres da chuvia e protexer así a zona de asento.

Civis Global desenvolve obras de infraestrutura vial en Galicia, León ou Asturias, tanto de construción de novas estradas como de mellora ou conservación, preservando así o medio natural.