Civis Global converte o tren de León en tranvía

20.06.2017

Co reinicio das obras para a adecuación da antiga vía ferroviaria de Feve ao seu paso por León en traxecto para un tranvía urbano, Civis Global retoma un proxecto que aportará unha gran

transformación á zona comprendida entre a Estación de Matallana e o Apeadeiro da Asunción.

Ao longo de recorrido de case 2,5 kilómetros todas as obras desenvoltas teñen como obxectivo eliminar o efecto barreira xerado pola vía do ferrocarril, creando unha zona urbana permeable e dando continuidade ás rúas que cruzan ata agora coa vía mediante a elevación da cota da rasante actual ata a cota das rúas. O empedrado da zona próxima ás vías crea unha zona peonil que enlaza coas áreas residenciais que atravesa a vía.

Ademais instalaranse no traxecto catro novos apeadeiros e remodelarase completamente o final do traxecto na estación de Matallana, para adaptar a infraestrutura ao novo uso urbano.

Todos os aspectos de seguridade quedarán resoltos daquela coa instalación dun sistema de sinalización renovado para regular os cruces de tráfico e peroníss, que estará totalmente automatizado para dar preferencia ao tranvía.

A construtora galega Civis Global en unión doutras empresas ten desenvolto diversos proxectos en ámbitos ferroviarios. En particular, ten realizado a primeira fase en varios dos subtramos do AVE de entrada en Galicia, desde A Canda ata Miamán (Xunqueira de Ambia, Ourense).