Civis Global entra no Foro Económico de Galicia

FOTO DE FAMILIA DE LOS MIEMBROS DEL FORO ECONÓMICO DE GALICIA EN LA ISLA DE A TOXA.

Economistas, empresarios e xornalistas participantes nun dos cumios do Foro Económico de Galicia celebrada en A Toxa.

10.04.2017

Civis Global entra a formar parte do Foro Económico de Galicia, a principal asociación galega de transferencia de coñecemento económico e propostas de mellora da economía e a sociedade galega. Civis Global foi invitada polo Foro, no que se integran as 13 principais compañías e institucións galegas dos diferentes sectores empresariais, así como un grupo de 50 investigadores económicos e os principais xornalistas económicos galegos.

A Asociación Foro Económico de Galicia está presidida polo empresario ourensán Emilio Pérez Nieto (presidente da Asociación Galega da Empresa Familiar e do grupo Pérez Rumbao) e dirixida polo catedrático de Economía Santiago Lago Peñas. Empresas como Estrella Galicia, Gas Natural Fenosa, Jealsa Rianxeira, Inveravante, Abanca, Coren, Rodman, Hierros Añón ou institucións públicas como a Universidade de Vigo ou o Consorcio da Zona Franca de Vigo, forman parte da organización.

Civis Global é a única construtora que participa nos debates e propostas do Foro Económico de Galicia.

A organización elabora documentos e propostas para mellorar a economía galega a partir de debates e discusións entre economistas, empresarios e organismos públicos.