Vista do novo edificio construído na confluencia das rúas Rosalía de Castro e García Barbón, en Vigo
21.12.2021
Civis Global segue a avanzar no sector de edificación coa construción dun edificio de vivendas na zona de Rosalía de Castro en Vigo para Aedas Homes. Trátase dunha construción de dez plantas para 45 vivendas, con 3 sotos de garaxes. Unha obra de 1.020 m2, con 4 vivendas por piso salvo nas dúas últimas que se configuran como dúplex.
Con este edificio, Aedas Homes, un dos grupos inmobiliarios máis potentes do país, elixe a Civis Global para aterrar no norte de España e engade a Galicia á súa carteira de proxectos en toda a xeografía nacional.
Situada nunha das áreas de maior valor residencial da cidade, a construción desta edificación é un traballo de gran esixencia técnica e con especiais condicións de acabado. A fachada do edificio asómase desde Miragaya á praza que une a Rosalía de Castro con García Barbón, mentres que a parte traseira ábrese a unha zona axardinada con vistas á ría sobre a rúa Areal.
Nesta mesma zona, Civis Global ten construído xa outra edificación para Unión Hotelera Gallega.
