Civis Global ensaia novos modelos construtivos en Pi i Margall

Aspecto del montaje de la fachada en hormigón prefabricado del edificio en Pi i Margall.
Aspecto del montaje de la fachada en hormigón prefabricado del edificio en Pi i Margall.

Aspecto da montaxe da fachada en formigón prefabricado do edificio en Pi i Margall.

19.1.2022 

Co inicio da construción dun edificio de catro plantas e áticos na rúa Pi i Margall de Vigo, Civis Global inicia o 2022 reforzando a súa actividade no área de edificación privada, mentres continúa a desenvolver o proxecto de Aedas Homes en Rosalía de Castro, onde o pasado ano completou tamén outro edificio para 70 vivendas.

A edificación realizada para a promotora local Luzviprom contará cun aspecto singular ao estar construída cunha fachada en formigón prefabricado. Esta aplicación construtiva permite instalar elementos modulares en formigón construídos á carta para cada proxecto, un modelo cada vez máis usado en vivendas.

O proxecto foi desenvolto polo estudio dos novos arquitectos galegos Cristina Ansede e Alberto Quintáns, recentes ganadores dun premio Gran de Area do Colexio Oficial de Arquitectos de Galicia (COAG). É un traballo singular nunha zona de Vigo onde Civis Global ten executado xa outra construción para a promotora Solvia.

A obra en marcha en Pi i Margall consta dun total de 17 vivendas de distintas tipoloxías en catro plantas, ademais dos áticos e dúas plantas de garaxes.

Nas dúas primeiras plantas o espazo distribúese en catro vivendas de 90 a 100 m². A terceira e cuarta planta contan con tres vivendas cada unha, con superficies superiores aos 125 m². A superficie total a construír é de 3.340 m².