Asturias representa máis do 13% da cifra de negocios de Civis Global fóra de Galicia, sendo a comunidade máis importante para a compañía despois de Castela e León.
28.09.2019
Civis Global conta na súa carteira de proxectos con 5 novas obras na actualidade en Asturias, principalmente en conservación e reparación de estradas como de saneamento e acondicionamento en zonas fluviais.
En obra promovida polo Ministerio de Fomento e a demarcación de estradas de Asturias, Civis Global encargarase (en unión temporal de empresas con outra firma), de diversas operacións de conservación e explotación nas estradas do sector O-03, que se prologarán ata 2022. As obras consisten na limpeza e mantemento das vías, ademais da reparación da sinalización e o control do estado mediante pantallas.
Na estrada N-634, que transcorre entre San Sebastián e Santiago de Compostela, Civis Global executa dende este mes as obras de reparación da calzada e a estabilización de cembas nos puntos kilométricos 345+250 e 345+650 que transcorren pola comunidade asturiana, tras a riada do pasado ano.
Civis Global tamén leva a cabo, en UTE con outras dúas compañías, o acondicionamento da estrada AS-233 no tramo que une as localidades de Escamplero e La Granda, coa instalación dunha gran rotonda, de 70 metros de radio, para a distribución de varias estradas.
A construtora galega tamén participa en Asturias nas obras de saneamento e reparación de infiltracións do nivel freático no colector interceptor do río Nalón, no tramo que discorre entre as localidades de El Condado e Entrego (Laviana); ademais das obras de saneamento da aglomeración de Morcín-Alfilorios na cunca do río Morcín.
Asturias representa máis do 13% da cifra de negocios de Civis Global fóra de Galicia, sendo a comunidade máis importante para a compañía despois de Castela e León.
