Un grupo de peregrinos camiña polo carril peonil perto de Oia.
18.3.2022
A empresa Civis Global realiza obras de mellora na PO-552 e a PO-325 para a Axencia Galega de Infraestruturas. As actuacións esténdense nun traxecto de 44 km, que é fundamental para a comunicación entre Vigo e as localidades de Baiona e A Guarda.
Unha das principais obras executadas é a renovación do carril-bici que circula pola costa de Cabo Silleiro e Oia ata A Guarda, un recorrido moi turístico e concorrido tanto por ciclistas como polos peregrinos que circulan polo Camiño Portugués a Santiago.
A actuación na PO-552, ou carreteira de Camposancos, consiste na renovación da capa de rodada nun tramo duns 3 km. entre a glorieta de Citröen e a igrexa de Coruxo ademais da reparación puntual do firme entre Baiona e A Guarda.
No caso da PO-325, ademais da mellora do carril-bici, tamén se realizan traballos para a reparación da capa de rodada.
Civis Global ten construído na zona sur de Galicia outros itinerarios peonís e ciclistas como os de Poio ou o de A Ramallosa-Gondomar na provincia de Pontevedra.
