Civis Global moderniza o mercado do centro de Vigo

VIGO, 30/11/16. MERCADO PRAZA DO PROGRESO DE VIGO.
VIGO, 30/11/16. MERCADO PRAZA DO PROGRESO DE VIGO.

Acceso ao mercado de Progreso de Vigo, desde a rúa Ronda.

30.11.2016

Coa apertura da praza situada na parte superior do edificio do mercado do Progreso, Civis Global ven de rematar as obras de rehabilitación e modernización do mercado máis céntrico da cidade de Vigo. O traballo da construtora galega fíxose en varias fases, tanto na estrutura xeral do edificio da praza de abastos como cos postos individuais de venda de cada comerciante, así como habilitando zonas de paso e unha área de descanso e lecer na terraza do mercado.

Os últimos traballos realizados consistiron no saneamento e impermeabilización e a instalación de varandas de aceiro e cristal na praza pública.

Civis Global volve demostrar que a edificación urbana resolve necesidades dos cidadáns. A zona de Progreso, un dos barrios máis característicos do centro de Vigo, dispón agora dun espazo onde as funcións do mercado, ocio e paseo quedan combinadas nun entorno moderno e accesible.