Vista da zona ampliada en Frialia, con dúas novas cámaras asociadas á planta conxeladora existente.
1.7.2024
A construtora Civis Global multiplica a capacidade industrial da industria conxeladora coa nova construción realizada para a compañía Frialia.
A execución de dúas novas cámaras conxeladoras, cunha superficie total de 2.370 m2, supoñen unha ampliación de 28.480 m3 de almacenaxe, que se engade ao complexo industrial construído xa por Civis Global para esta mesma empresa no polígono industrial de Veigadaña en Mos (Pontevedra).
As novas instalacións conxeladoras están integradas na planta existente, coa que comparten equipamento administrativo e loxístico, tras unha ampliación da parcela en pouco máis de 3.000 m2.
A construción ten unha altura de 17 metros e está executada en estrutura prefabricada de formigón armado con fachadas en panel prefabricado. A envolvente interior está realizada con panel PIR FM de 200 mm coa finalidade de asegurar as necesidades de aillamento e cada cámara conta cun conxunto de catro evaporadores para o sistema de refrixeración.
Ademais das instalacións frigoríficas de Frialia, Civis Global ten construído nos últimos anos outras plantas como a de Frigonor en Pobra do Caramiñal (A Coruña) ou a de Central Lomera en Vilanova de Cerveira (Portugal).
