Civis Global relanza a construción e rehabilitación de edificios en Vigo

PI-MARGALL-CIVISGLOBAL

PI-MARGALL-CIVISGLOBAL21.07.2016

Co inicio inminente das obras de construción de novos edificios de vivendas e actuacións de rehabilitación en Vigo, Civis Globlal segue a reforzar a súa actividade na área de obra privada.

A construción máis inmediata é un edificio de vivendas na rúa Alfonso XIII (nº 18 e 20), unha zona moi visible da cidade, xa que a rúa serve de entrada directa ao centro desde a AP-9, estando a obra situada practicamente fronte á saída da autoestrada. A obra acaba de ser adxudicada a Civis Global, que en breve iniciará os traballos de construción.

Tamén está prevista a construción doutro edificio de vivendas na rúa Escultor Nogueira 26, na zona de A Dobrada en O Calvario. O importe de ámbalas obras, que suman 20 vivendas novas, supera os 2 millóns de euros.

Por outro lado, atópase na súa fase final a obra de construción dun edificio de 16 vivendas para a compañía Solvia do Banco Sabadell, situada na rúa Pi i Margall (31-35) tamén en Vigo. Nunha semana se poderán retirar os andamios da fachada, parte da cal estaba considerada elemento patrimonial a conservar, co que o traballo realizado será xa visible para os viandantes, mentres continúan as obras de acabado e carpintería en interiores.