Civis Global remata as escaleiras mecánicas para subir ao casco vello de Vigo

As novas escaleiras mecánicas instaladas por Civis Global na rúa II República en Vigo.

22.03.18

A construtora galega Civis Global completou a instalación das escaleiras mecánicas de ascenso ao casco vello de Vigo, coa realización do segundo tramo do proxecto. As obras desta fase final inicáronse no verán de 2017, tras unha interrupción solicitada por técnicos de Patrimonio do Conello de Vigo para decidir sobre elementos de valor arqueolóxico a conservar.

A instalación dos dous novos tramos de escaleiras mecánicas, de 10 e15 metros de lonxitude, discurre en paralelo ás escaleiras existentes, despois de ter realizado tamén as correspondentes obras de reforma urbana para cambiar ou repoñer servizos e canalizacións existentes.

O aspecto das novas escaleiras mecánicas mantén a continuidade coas instaladas na primeira fase realizada en 2015 que partían da Porta do Sol e ascendían a rúa II República, cunha cuberta de aluminio lacado en vermello e cristal. Ademais dos aspectos funcionais, na zona instaláronse unha serie de paneis e elementos informativos que poñen en valor os aspectos patrimoniais de interese na zona.