10.04.2023
Civis Global entrega no último mes cinco obras que apostan decididamente pola sostibilidade e reflicten o gran cambio asumido polo sector da construción.
Estas execucións suman máis de 19.000 m² de espazos ambientalmente mellorados no área de reforma urbana ou nas infraestruturas. Todas as actuacións coinciden nun obxectivo central: a redución de emisións de C02 e a construción de espazos peonís, máis accesibles para os cidadáns e con instalacións sostibles.
A ampliación do espazo del para os peóns ou ciclistas, a integración de materiais orgánicos (madeira ou xardíns) na obra urbana ou o uso de enerxías renovables en instalacións, son unha aposta clara pola sostibilidade na construción.
É o caso da execución da senda peonil e ciclista do Berbés para o Porto de Vigo. Con esta obra avánzase na peonalización completa do recorrido que bordea o porto pesqueiro na cidade.
A alternativa construída é unha fronte litoral onde os cidadáns dispoñen dun paseo para bici e peóns, con illas de bancos e xardíns, xunto ás instalacións pesqueiras. Unha superficie pública e accesible de 1.900 m2 que enlaza e dá continuidade ao conxunto, peonalizado ao longo do porto de Vigo que se estende agora ata os 3,5 km. de lonxitude.
Tamén na zona litoral Civis Global ultima a construción do novo paseo marítimo de Bouzas, unha completa remodelación executada para o Concello de Vigo. O carril bici e espazo peonil existente queda reforzado para destacar o seu carácter de paseo e o seu valor ambiental. Nun área de 6.200 m2 un conxunto de xardíns e zonas verdes imitando as dunas de praia dan paso a un pavimento en madeira, mentres que unhas gradas permiten aos paseantes acceder directamente ao mar desde a senda.
É o último tramo urbano que anticipa pola súa estética e funcionalidade a chegada ás zonas de praia que se estenden a partir dese momento.
Noutra obra de remodelación urbana que ultimamos na praza Fernández del Riego, no centro da cidade de Vigo, a actuación consegue gañar máis superficie axardinada e peonil, nun espazo de 4.900 m2 presidido por unhas pérgolas dotadas dunha instalación de placas que dotan a zona de enerxía verde para uso cidadán.
Con esa execución construímos un concepto de remodelación que reduce o tráfico na zona e ofrece máis espazo para o uso veciñal.
Na localidade arousá de Illa de Arousa temos realizado para a Deputación de Pontevedra unha reforma para converter a céntrica avenida Castelao nunha zona semipeonil que dá preferencia ás persoas mantendo a circulación no centro da vila.
Para esta execución téñense instalado conxuntos de bancos e grandes xardineiras, unha iluminación renovada e sostible, e temos construído un espazo combinado nunha plataforma única para uso de vehículos e peóns, claramente diferenciados con distintos tipos de pavimento. O resultado é un espazo de 5.300 m2 máis preparado para o uso veciñal nunha zona de vivendas unifamiliares.
En A Cañiza, realizamos para o Concello e Deputación de Pontevedra unha remodelación completa da piscina municipal, conseguindo unha instalación máis sostible, con usos máis diversificados e dotada de enerxía renovable para o seu funcionamento.
Civis Global asume o respeto pola contorna e a sostibilidade como valores empresariais reforzados coa campaña “Creciendo en verde” que acompaña a iniciativas da construtora.