A construción inclúe un edificio de tres plantas e máis de 2.000 metros cadrados de oficinas, ademais dunha nave frigorífica de 1.500 metros cadrados e unha área loxística con tres molles de carga para camións de transporte de peixe.
8.08.2019
Civis Global vén de finalizar a construción do novo centro pesqueiro denominado Centro Logístico Porto de Vigo, unha compañía participada maioritariamente polo grupo Coper (Atunlo) e outras firmas do sector. A construción inclúe un edificio de tres plantas e máis de 2.000 metros cadrados de oficinas, ademais dunha nave frigorífica de 1.500 metros cadrados e unha área loxística con tres molles de carga para camións de transporte de peixe.
As fachadas do inmoble foron forradas na súa totalidade con chapa de aceiro en cor azul e contan cunha celosía de dseño de fenólico fundermax en cor branca.
A obra de Civis Global para Centro Logístico Porto de Vigo, iniciada en setembro de 2018, incluíu a demolición e aproveitamento das antias naves e oficinas das empresas de transformación de peixes e mariscos Pescapuerta e Pescanova, na intersección das rúas Beiramar e Jacinto Benavente.
O Centro Logístico Porto de Vigo consolida a maior cidade de Galicia como a capital pesqueira de España, nun sector con clara especialización industrial por parte da construtora Civis Global. A compañía xa realizou nos últimos meses as novas plantas industriais das factorías de Fandicosta, Atunlo ou Marfrío.
