A fachada do edificio Down Vigo tras as obras de rehabilitación que unifican as dúas edificacións anteriores.
11.6.2025
A edificación dotacional construída por Civis Global para a sede de Down Vigo ofrece á entidade un espazo flexible e polivalente para todas as necesidades administrativas e de formación específicas para persoas con síndrome de Down.
É un proxecto de rehabilitación promovido polo Consorcio da Zona Franca de Vigo e situado en pleno Casco Vello da cidade. A edificación figura como espacio protexido na zona histórica da cidade: na rehabilitación realizada adáptanse todas as normativas esixibles de conservación, ao tempo que se integran as nova esixencias construtivas e solucións innovadoras.
Tras as obras de demolición e cimentación, o edificio integra as dúas antigas dos antigas edificacións existentes. O novo volume consta de baixo e tres plantas, ademais dunha entreplanta baixo cuberta espacio, cunha superficie total de 1.100 m².
A fachada conserva toda a pedra en granito orixinal e reconstrúe unha parte desaparecida cunha fábrica de ladrillo e a correspondente envolvente, respectando os ocos orixinais. Consérvanse tamén os balcóns de forxa.
O interior unifica o espazo das edificacións anteriores, salvando as diferencias de cota nas dúas últimas plantas cunha configuración de espazos en graderío. Desta forma conséguese dotar ao centro de senllas salas multifunción, unha das cales dispón de paneis móbiles para subdividir recinto segundo as necesidades.
O patio traseiro, que limita a parcela coas edificacións da rúa Eduardo Chao, reconverteuse nun espazo funcional que aporta luz ao edificio mediante a construción dun muro cortina en vidro para toda a fachada. Ambos elementos proporcionan luz e ventilación natural e contribúen á mellora da eficiencia enerxética.
Ademais o muro de contención conta cunha decoración en grafiti que reforza o contacto visual entre interior e o exterior. Por último, a parte inferior deste espazo forma un graderío con revestimento cerámico, que o converte nunha estancia máis do centro.
Civis Global é unha construtora con ampla experiencia en rehabilitación. As obras realizadas inclúen tanto edificios destinados a edificación residencial, como o de Nortempo, e tamén edificación dotacional como o hotel urbano para Ceetrus, ámbalas dúas en Vigo.
