A zona de descanso xunto ás fervenzas, ao final da escaleira miradoiro que baixa desde Severino Cobas ao río Lagares.
19.9.2024
Civis Global completa la execución das obras da senda fluvial nun tramo de 3,25 km do río Lagares en Vigo.
A actuación dota de accesibilidade á senda peonil e ciclista nunha zona do curso alto, entre as rúas Manuel Álvarez e a Avenida de Madrid, caracterizada pola presencia dunha serie de saltos ou fervenzas que fan o percorrido moi espectacular. A senda completa unha itinerario ambiental que logra conectar a zona alta e baixa do río, nun traxecto total duns 11 km.
Un aspecto singular do proxecto é a construción dunha gran escalinata para acceder ao río desde a rúa Severino Cobas, salvando un gran desnivel. A estrutura de aceiro galvanizado e recuberta en madeira foi instalada cun guindastre con 80 metros de pluma para poder acceder ao lugar desde a rúa.
No seu descenso cara o bosque fluvial do Lagares a escaleira articúlase en pequenos miradoiros ata rematar nunha zona de descanso xunto ao río, cun gran banco en madeira xunto a unha das fervenzas.
Outra das zonas máis destacadas é a coñecida como Cova da Serpe, á que se accede desde unha pasarela de madeira ao nivel de Severino Covas. Ofrece un panorama singular do río desbordando un salto de máis de 2 metros de altura.
Para a adecuación de toda a senda peonil e ciclista ao longo do río o terreo acondicionouse con capa de zahorra e un acabado en pavimento xabre e en puntos singulares slurry. A actuación inclúe tamén a instalación de varias pasarelas e tres pontes para cruzar o río, ademais da rampla de acceso á escalinata.
Entra las execucións previas destaca o desbroce e limpeza de 30.000 m2 de terreo a máquina ou con medios especiais en zonas verticais.
