Civis Global recupera o centro de Vigo

Fachada lateral do edificio rehabilitado como hotel na rúa Urzáiz.

Premio Aproin 2019 á mellor rehabilitación de edificio

6.11.2020 | O Premio APROIN á mellor obra de rehabilitación en 2019 foi concedido a Civis Global pola Asociación de Promotores de Pontevedra por esta obra executada para a inmobiliaria Ceetrus. O galardón destaca o traballo de Civis Global pola súa profunda labor de restauración dun edificio de vivendas de 1906, orixinal do arquitecto Jenaro de la Fuente, agora destinado a hotel urbano.

26.2.2020

A construción dun hotel urbano na esquina das rúas Urzáiz e Vázquez Varela, en pleno centro de Vigo, é unha nova mostra do traballo de rehabilitación desenvolto por Civis Global na cidade.

A obra respectou a estrutura xeral desta edificación de cinco plantas, rematada cunha cuberta de cinc que destaca ese aspecto de recuperación patrimonial.

Concibido para uso como hotel urbano ou hostel, o edificio construído para a compañía Ceetrus, dispón de 24 habitacións con recepción na planta baixa e unha cafetería na última planta con espectaculares vistas panorámicas sobre a cidade e a ría.

O proxecto resultante é unha instalación de 1.047 m2 de superficie construída, sobria e moderna, con elementos decorativos como os forxados orixinais en balconadas exteriores ou a escaleira, que evocan o pasado do edificio. Para revestimento exterior das ventás usouse tamén madeira termotratada e lacada en branco.

O edificio cumpre ademais con modernos criterios de eficiencia enerxética e accesibilidade. Para a climatización dispón dun sistema de bomba de calor con distribución por refrixerante e recuperación de calor. Un ascensor comunica as cinco plantas eo soto con vestiario para persoal do hotel e instalacións.

Previamente executárase o correspondente baleirado e reforzo da estrutura de madeira orixinal con vigas metálicas.