Civis Global suma mobilidade sostible para peóns e ciclistas

17.9.2020 

Coas obras de mellora da mobilidade para peaóns e ciclistas na estrada PO-308 a construtora Civis Global engade un novo proxecto á súa carteira de obras de infraestrutura vial. Con este tramo realizado entre as localidades de Covelo e Raxó, no concello de Poio, a compañía ten completado nos dos últimos anos máis de 15 km de recorridos peonís ou ciclistas na provincia de Pontevedra.

A actuación executada este verán para a Axencia Galega de Infraestruturas incluiu ademais a ampliación de varias interseccións para mellorar o cambio de sentido na ruta, a construción de dúas glorietas, sete novas marquesiñas en paradas de bus interurbán e a renovación da iluminación pública existente, substituido por equipos led de baixo consumo.

Estas infraestruturas fan máis segura e sostible a mobilidade interurbana de peóns e ciclistas, ao tempo que supoñen tamén un detallado traballo de mellora de infraestruturas. Ao longo de todo o recorrido renóvanse as conduccións de auga, pluviais ou potables, as de electricidade e comunicacións, e tamén as canalizacións para a  drenaxe da estrada.

Neste tipo de traballos de infraestrutura vial, Civis Global ten realizado outras sendas peonía e ciclistas na PO-325 Vigo-Nigrán e na PO-340 Nigrán-Gondomar.

A construtora ten ademais unha ampla traxectoria en obras de reforma urbana realizadas en distintas cidades de Galicia.