Civis Global mellora o Camiño de Santiago e impulsa un proxecto de integración social

camino Santiago 2
camino Santiago 2

Unha peregrina xunto a unha das pasarelas instaladas por Civis Global no Camiño Portugués a Santiago.

10.10.2020 

A construtora Civis Global desenvolve na súa área de servizos a actividade de conservación integral do Camiño de Santiago, no tramo portugués interior e costeiro e tamén no tramo de Santiago a Fisterra e Muxía.

O traballo, realizado para a Axencia Galega de Turismo, comprende un total de 350 km nos diversos itinerarios: Tui-Santiago por Redondela. A Guarda-Redondela-Santiago e Santiago-Fisterra-Muxía.

O servizo de Civis Global destina o persoal necesario para actuacións de mantemento e limpeza forestal ao longo do itinerario, ademais da preparación e reparación do terreo en zonas deterioradas.

O equipo de profesionais atende tamén as distintas incidencias causadas pola climatoloxía (caídas de árbores ou desbordamentos de regatos) ou a deterioración de elementos auxiliares da vía como pasarelas en zonas de ríos.

Un proxecto de integración social no Camiño Portugués

Civis Global colabora tamén nun proxecto singular de integración para colectivos con necesidades especiais, desenvolto no Camiño Portugués dentro do programa “O teu xacobeo” de Xacobeo XXI-Turismo de Galicia pola entidade Finca Moreiras e o concello de Oia.

Trátase dunha ruta a cabalo pola vía portuguesa entre Oia e Santiago na que participan persoas con discapacidade integradas en cinco asociacións de atención social: ACEESCA (de O Porriño), Arela (para menores tutelados en distintos ayuntamientos gallegos), Avelaíña (Ponteareas, A Guarda, Baiona), Centro Juan María (Val Miñor-Sabarís) y San Xerome (A Guarda).

Os participantes relévanse para recorrer por tramos a distancia entre o concello de Oia e Santiago de Compostela, contando co persoal de acompañamento para o coidado dos cabalos e tamén para eventual atención de fisioterapia.

Finca Moreiras é unha asociación dedicada á promoción da raza autóctona de cabalo galego de Mougás-Oia (Pontevedra), na zona de Serra da Groba.

Image20