Ao fondo a Ponte das Febres restaurada na parroquia de Ribadelouro. En primeiro termo, a canle en pedra reconstruída.
21.06.2023
A reforma realizada por Civis Global seguindo os criterios establecidos de protección patrimonial permitiu recuperar o aspecto orixinal da Ponte das Febres, un importante elemento etnográfico do Camiño Portugués de Santiago.
Tras retirar a deteriorada plataforma de madeira que o recubría desde hai anos a modo de pasarela completáronse outros traballo de movementos de terra para deixar ao descuberto a estrutura, que estaba case soterrada ao longo duns 10 metros e que mesmo deixara oculta unha singular escaleira integrada na propia ponte.
Tamén niveláronse os taludes entre o leito do río e a ponte de xeito que as cotas respectivas acaben confluíndo e deixando máis nidia a vista do conxunto.
Na marxe esquerda realizáronse traballos de reconstrución con perpiaños regulares e reconstruíuse tamén unha canle de pedra, manténdose unha poldra existente.
A obra consigue realzar a ponte e o seu entorno que goza agora dunha maior visibilidade como elemento singular no Camiño de Santiago Portugués.
