Formigonado da losa superior para a rotonda e escavación do paso soterrado para reorganizar o tráfico da AC-12 ao seu paso por Oleiros.
6.7.2023
Civis Global avanza na obra para reordeación do tráfico na confluencia da AC-12 coa zona urbana de Oleiros (A Coruña). Trátase de construír un paso soterrado cunha glorieta en superficie para distribuír o intenso fluxo de vehículos na zona.
Coa nova distribución en execución, mantense a continuidade da AC-12 mediante unha vía principal, enviando o fluxo principal de vehículos polo novo paso inferior. As vías laterais que se separan deste acceso principal conducen o tráfico á glorieta, para distribuilo en superficie cara Oleiros ou a zona de praias, conectando ao través da AC-174 (Rúa do Areal).
Neste momento Civis Global traballa na execución da lousa para o paso inferior, cunha lonxitude duns 320 metros e unha superficie total de 4.819 m2.
As obras no chamado cruce de Sol y Mar en Oleiros cumpriron xa varios fitos, entre os que se atopan a execución das pantallas de pilotes e a urbanización das vías laterais, seguido da colocación de vigas de formigón pretensado e o formigonado da lousa superior sobre a que se situará a futura rotonda.
Ademais, tense completado a reposición de todos os servizos ao longo de todo o tramo da obra, de arredor duns 600 metros.
A pesares das dificultades de fluidez nun centro cun elevado fluxo de vehículos ao día, as operacións teñen conseguido manter o tráfico sen interrupción xerando os desvíos provisionais alternativos necesarios.
O obxectivo final deste importante traballo de infraestrutura é facilitar tamén o tráfico peonil e y recuperar espazo urbano para a poboación, destacando así o papel da reforma urbana cun traballo moi técnico na intersección das estradas AC-12 (Avenida de Mariñas) e AC-174 (Rúa do Areal).
