Central Lomera Portuguesa, unha obra de récord

Civis Global vén de finalizar a obra que permitiu que Marfrío e Atunlo inauguraran en tempo récord unha factoría con 14.000 m2 de superficie no parque empresarial do Fulao (Vila Nova de Cerveira).
Civis Global vén de finalizar a obra que permitiu que Marfrío e Atunlo inauguraran en tempo récord unha factoría con 14.000 m2 de superficie no parque empresarial do Fulao (Vila Nova de Cerveira).

Civis Global vén de finalizar a obra que permitiu que Marfrío e Atunlo inauguraran en tempo récord unha factoría con 14.000 m2 de superficie no parque empresarial do Fulao (Vila Nova de Cerveira).

03.12.2018. Central Lomera Portuguesa (CLP) xa é unha realidade. A constutora galega Civis Global vén de finalizar a obra que o día 3 de decembro, permitiu que a empresa conxeladora Marfrío e a comercializadora de atún Atunlo inauguraran en tempo récord unha factoría que conta con 14.000 m2 de superficie, situada no parque empresarial do Fulao (Vila Nova de Cerveira).

Civis Global anunciou a finais do pasado ano a construción da nave, que conta cunha capacidade total para unha plantilla de 300 empregados, que irán aumentando progresivamente dende os 90 actuais, e cunha capacidade de produción de 20.000 toneladas de produto ao ano, 100 toneladas diarias. Así o explicou durante o acto de inauguración o director de CLP, Javier Bascuas, quen tamén salientou a previsión de acadar estas cifras nos vindeiros cinco anos.

As instalacións inclúen unha cámara de conxelado con capacidade para 8.100 m3, unha cámara frigorífica con túnel de conxelado de 900 m2 de superficie, zona de oficinas, vestiarios, almacén e outros servizos de case 2.000 m2.

Marfrío e Atunlo investiron 9 millóns de euros na construción da factoría, que agarda ser un revulsivo para a economía do norte portugués, e que xa conta con tres peiraos de entrada e un máis de saída á súa disposición.

Central Lomera Portuguesa abastecerá as conserveiras galegas mediante a elaboración, transformación, almacenamento e distribución de derivados do atún. Pero non só iso. Marfrío e Atunlo pretenden posicionarse coma os primeiros produtores deste xénero a nivel internacional. Niso coincidiron o conselleiro de Atunlo, José Antonio Pernas, e o conselleiro de Marfrío, Pedro Otaegui, durante un acto no que tamén estiveron acompañados polo presidente da Cámara Municipal de Vila Nova de Cerveira, Fernando Nogueira, en presenza de arredor de 150 autoridades e representantes do sector conserveiro.