Ecoforest inaugura a súa nova nave en Porto do Molle, construida por Civis Global

A nova nave de Ecoforest destaca polo seu acabado, que combina o uso de fachada ventilada en composite cun muro cortina con ventás.

26.12.2018. A inauguración da nova factoría de Ecoforest no Parque empresarial de Porto do Molle, en Nigrán (Pontevedra), construida por Civis Global, tivo lugar este mércores coa presenza do presidente da Xunta de Galicia, Alberto Núñez Feijóo, o conselleiro de Economía, Emprego e Industria, Francisco Conde, e representación da empresa de climatización industrial.

Os traballos de construción da nave, cunha superficie de 15.000 metros cadrados, dos cales case 9.000 corresponden á zona de produción, finalizaron en xullo despois de oito meses de obras, e a actividade produtiva da nova factoría comezou no mes de agosto. A planta tamén dispón dunha zona de cuberta visitable. Ademais, conta con espazos destinados a almacéns e oficinas, cuxa instalación finalizou en novembro.

A nova nave de Ecoforest destaca polo seu acabado, que combina o uso de fachada ventilada en composite, de 2.300 metros cadrados, cun muro cortina con ventás.

“Quiero agradecer a Civis Global la excelente ejecución de nuestra planta en términos de calidad, coste y plazos de entrega”, sinalou Eladio Pérez, CEO de Ecoforest.

Civis Global vén de desenvolver outros proxectos en Porto do Molle, como o edificio do Centro de iniciativas empresariais, unha construción dotada de instalacións de climatización con xeotermia, que mereceu a certificación Breeam que só posúen 320 edificios en toda España. Tamén vén de culminar a instalación do sistema de xeotermia no edificio da sede central do polígono industrial da Granxa no Porriño (Pontevedra) para a Zona Franca de Vigo.