Vista da zona de cuberta do edificio de Xulgados, coa instalación de placas solares.
16.12.2024
Civis Global traballa no campo da reforma enerxética eficiente con obras de rehabilitación para edificacións públicas ou privadas.
No caso dos Xulgados de Ponferrada executamos unha actuación integral para a mellora da envolvente exterior do edificio e a adecuación completa das instalacións interiores de clima e iluminación.
Co recubrimento dos 3.500 m2 de superficie total de fachada con sistema SATE de panel de lá de roca, a instalación de nova carpintría en aluminio con dobre acristalamento e o cambio do panel de cuberta, ampliamos ao máximo o nivel illamento térmico do recinto.
Sobre as cubertas de 2.000 m2 instalamos un conxunto de 66 paneis solares, cunha potencia de 26.400 vatios, que proporcionan a enerxía necesaria para reducir o consumo eléctrico dos xulgados. A instalación inclúe tamén varios cargadores para vehículos eléctricos.
Os traballos introduciron ademais importantes melloras enerxéticas en climatización e ventilación, con dúas bombas de calor e un novo sistema de renovación de aire.
O edificio contará ademais con iluminación mediante unhas 1.000 luminarias tipo led que, xunto co novo sistema de control, reducen notablemente o consumo eléctrico do edificio.
