Aspecto xeral da Praza Fernández del Riego, coas dúas pérgolas e o pavimento policromado instalado.
14.3.2023
A obra que Civis Global executa na Praza Fernández del Riego é unha importante actuación en mellora urbana para a mobilidade na contorna da chamada Praza Elíptica.
A remodelación esténdese a unha superficie de actuación de 4.900 m2 co obxectivo de reforzar o carácter peonil da zona.
A praza gaña un espazo central con esta reforma que amplía a superficie de zona verde axardinada. Para o pavimento utilízase un formigón policromado que colorea a superficie onde emerxe a característica cuberta cristalada en forma elíptica que dá nome á zona comercial.
Flanqueando o área érguense dúas pérgolas que suman aspecto decorativo e valor sostible coa instalación de 75 placas solares. Este sistema xera enerxía verde para iluminación e ofrece servizos de recarga aos cidadáns, que disporán ademais de tres cargadores para vehículos eléctricos.
O tráfico reordéase para que os residentes accedan por un carril aos garaxes, mentres que os vehículos procedentes da rúa Nicaragua rodean o ámbito da praza pola Travesía de Marqués de Alcedo.
Esta reforma urbana de Civis Global complétase coa renovación de servizos de alumeado, electricidade, saneamento e abastecemento. A empresa ten executado xa importantes traballos de mellora sostible como a remodelación da Praza de Armas en Ferrol ou a obra para a peonalización de Porta do Sol en Vigo, ademais de traballos de adaptación para a mobilidade peonil en numerosas rúas da cidade.
