A zona remodelada coas instalacións para jacuzzi, sauna e baño turco na piscina de A Cañiza.
21.3.2023
A remodelación da piscina cuberta municipal de A Cañiza realizada por Civis Global é un importante traballo que mellora a eficiencia enerxética e dá maiores servizos aos usuarios.
A actuación converteu o espazo existente nunha instalación que agora conta cun vaso de 25 metros completamente renovado para natación e actividades, e unha sala anexa polivalente para outros usos deportivos.
Tras retirar parte dun graderío existente, o espazo remodelouse para completar unha instalación orientada ao benestar, que dispón de jacuzzi e cabinas de sauna e baño turco. Toda esta zona de wellness está acabada en madeira de pino termotratada, creando un espazo visualmente diferenciado.
A sala de actividades anexa queda separada da piscina e mantén a zona de graderío que ten sido totalmente renovada.
O resultado é un centro máis polivalente onde ademais se ten mellorado a eficiencia enerxética do conxunto, incrementando o illamento térmico en todo o contorno de fachada e nas cubertas. O edificio conta cunha instalación de enerxía solar térmica e un sistema de caldeira de biomasa de 124 kW para necesidades de climatización e consumo eléctrico.
